ʼn Droomwerk vir Marianne, danksy die Virseker Trust 

Deur Marné Pienaar

Die Virseker Trust ondersteun jong Afrikaanssprekendes om hulle drome na te jaag. Sedert sy stigting in 2011 het die Trust al ʼn bedrag van R16,8 miljoen aan studiehulp bestee. 160 studente kon met sukses afstudeer en 120 ander studente het tans die geleentheid om danksy die hulp van die Virseker Trust in Afrikaans hoëronderwys te ontvang.

Danksy die Virseker Trust kon Marianne Pouwels (22) haar studie suksesvol voltooi en nou kan sy haar loopbaanpad met selfvertroue aanpak. Marianne het pas haar droomwerk losgeslaan as kommunikasiebeampte by die FAK en Voortrekkermonument.

“My familie sê nog altyd ek praat te veel, of dat ek altyd iets te sê het. Ek is nooit klaar gepraat nie!” sê Marianne.

Nou, in haar eerste jaar as ʼn gegradueerde in BA Kommunikasie en Joernalistiek van Akademia, beklee sy ʼn pos wat haar grootste verwagtinge oortref. Haar liefde vir skryf en tale is ingebore en sy het dit al van vroeg af besef en uitgeleef

“In graad drie het my juffrou my ingeskryf vir ʼn boekskryfkompetisie waar ek ʼn sprokiesverhaal moes skryf en self die prente illustreer. Ek was toe die wenner van die streek en dit is waar my liefde vir taal en skryf vandaan kom,” vertel Marianne.

Alhoewel sy nie hierdie boekie sommer vir enige iemand sal wys nie, is sy trots op wat sy op só ʼn vroeë ouderdom geskryf het.

Die Virseker Trust se fondse word deur Virseker-polishouers ingesamel. Ja, ʼn persentasie van jóú polis by Virseker word belê in die toekoms van ons Afrikaanse jeug en word deur middel van rentevrye studielenings aan studente betaal.

Die Virseker Trust het vir Marianne én die huidige 119 ander studente deure oopgemaak vir ʼn vry, veilige en voorspoedige toekoms.

Daarom bou en belê ons in die toekoms van ons jong mense. Jy kan deur middel van jou polis by Virseker ook help bou aan ʼn toekoms waar ons kinders kan hoort.

Kry jou gratis kwotasie vandag. Klik hier.