Hoof Verantwoordelikhede:

1. Bestuur van die kantoor:

Toesig oor die daaglikse kantoorbedrywighede om te verseker dat werk doeltreffend en akkuraat afgehandel word.

Bestuur en ondersteuning van junior personeel, insluitend opleiding en prestasie-evaluering.

Verseker voldoening aan interne beleide, prosedures en wetlike vereistes.

Doen werkbeplanning en prioritisering om sperdatums na te kom.

Voer gereelde vergaderings met die span om vordering en uitdagings te bespreek.

2. Kliënteportefeulje bestuur:

Ontwikkel en handhaaf sterk verhoudings met bestaande kliënte.

Adviseer kliënte oor finansiële aangeleenthede, insluitend belastingbeplanning, finansiële verslagdoening en wetlike nakoming.

Hersien en teken jaarstate, belastingopgawes en ander verslagdoening af.

Identifiseer geleenthede om kliëntediens en -aanbiedinge te verbeter.

Tree as hoofskakel tussen kliënte en relevante owerhede (bv. SARS).

3. Tegniese rekenmeesterkundigheid:

Toepassing van IFRS vir KSO , belastingwetgewing, en rekeningkundige beginsels in kliëntediens.

Verseker dat alle rekenkundige werk van die hoogste akkuraatheid en kwaliteit is.

Werk met rekeningkundige en finansiële sagteware (bv. Pastel, Xero, Draftworx).

4. Strategiese insette:

Ondersteun die bestuur in strategiese besluitneming deur akkurate finansiële ontleding te verskaf.

Neem deel aan die ontwikkeling en implementering van verbeterde prosesse en stelsels.

Bydra tot die groei van die firma deur nuwe kliënte te werf en bestaande portefeuljes uit te brei.

Doel van die pos:

Die Senior Rekenmeester is verantwoordelik vir die doeltreffende bestuur van die kantoor se daaglikse bedrywighede, asook die instandhouding en uitbreiding van die kliënteportefeulje. Die ideale kandidaat sal sterk tegniese rekenmeesterkundige vaardighede hê, leierskap toon, en kliënteverhoudings met professionaliteit en vertroue bestuur.