Rapporteer aan: Uitvoerende Beampte: SAKAI

Doel van die posisie: Effektiewe samewerking met die Uitvoerende Beampte om ’n omvattende stelseladminitrasie- en ondersteuningsdiens te lewer.

Minimum toepaslike werkservaring:

• Minimum 3 tot 5 jaar.
• Blootstelling aan MySQL en MS Access en integrasie van ‘n databasis met rekeningkundige sagteware (Sage One), salarisstelsel sagteware (VIP)
• Die bewese gebruik van Excel vir die onttrekking en verwerking van data buite die databasis sowel as ‘n bron van data-invoering, sal ‘n sterk aanbeveling wees.
• Integrasie van SAKAI-webwerf met die stelsel is noodsaaklik
• Algemene IT kennis en ervaring sal voordelig wees.
• Bogemiddelde praat, lees- en skryfvaardighede in Engels en Afrikaans is noodsaaklik

Persoonlike eienskappe:

• Goeie interpersoonlike vaardighede
• Hantering van druk en afhandelingsvaardigheid (hou by sperdatums)
• Geloofwaardigheid
• Integriteit
• Betroubaarheid
• Aandag aan detail en netheid
• Respekteer die privaatheidsvereistes van vertroulike inligting
• Verantwoordelike optrede en aanvaarding van aanspreeklikheid
• Vermoë om onafhanklik en innoverend te funksioneer
• Vermoë om verskillende take en opdragte tegelykertyd te kan hanteer

• Die finale verfyning van ‘n bykans voltooide nuwe databasis-stelsel gebou op MySQL en MS Access moet parallel met die bestaande weergawe getoets word vir die periode 1 November 2024 tot 30 September 2025
• Registrasie van onderwysinstellings, onafhanklike skole en afstandsonderriginstellings.
• Toekenning van registrasienommers aan kandidate
• Registrasie van vakke met onderwysinstellings
• Registrasie en koppeling van leerders met betrokke onderwysinstellings, insluitende die toekenning van vakke aan leerders
• Toekenning van eksamensentrums aan leerders
• Toekenning en rekordering van skoolgebaseerde assessering vir Gr 10 tot 12 leerders
• Integrasie en rekordering van tydelike SAKAI kontrakwerkers
• Soomlose intergrasie van die stelsel met Excel, Sage en VIP programme
• Skep en byhou van ‘n gedetailleerde stelselbeskrywing, insluitend kontrole maatreëls en data kwaliteitsbeheer maatreëls
• Soomlose integrasie met Umalusi se databasis en administrasiestelsel
• Generering van puntestate en vakverklarings
• Generering van fakture
• Deurlopende monitering en verbetering van die stelsel
• Skakel met betrokke eksterne diensverskaffers soos dit benodig word

Die SAKAI bied:

• ‘n Mededingende vergoedingspakket in ooreenstemming met beleid
• Genoegsame verlofvoordele

AANSOEKE

• Voornemende kandidate moet skriftelik per e-pos aansoek doen en ‘n verkorte CV moet die volgende vermeld: ouderdom, kwalifikasies, huidige pos, werkgewer, ervaring.
• Applikante moet bereid wees om op eie koste vir onderhoude in Pretoria aan te meld.
• Diensaanvaarding: 1 November 2024, of vroeër.
• Aansoeke gemerk “SAKAI Stelsel Administrateur” moet per e-pos na hr@saou.co.za gestuur word, nie later nie as Woensdag, 9 Oktober 2024.

Navrae: Mnr H Steenkamp Tel. 012 436 0900