ACCA-akkreditasie in Suid-Afrika: ʼn nuwe hoofstuk vir jong rekenmeesters

Die Onafhanklike Reguleringsraad vir Ouditeure (Irba) het die internasionale beheerliggaam vir geoktrooieerde rekenmeesters, die Association of Chartered Certified Accountants (ACCA), in 2023 geakkrediteer as ʼn erkende roete na oudit-spesialisasie vir voornemende geregistreerde ouditeure in Suid-Afrika. Die akkreditering van professionele rekeningkundige liggame word ingevolge die Wet op die Ouditprofessie (No. 26 van 2005) bepaal en die vereistes vir sodanige akkreditering word daarin uiteengesit. ACCA-lidmaatskap bied toegang tot die ouditprofessie in Suid-Afrika sowel as toegang tot ʼn globale netwerk van meer as 250 000 lede in 180 lande en tot internasionale beroepsgeleenthede.

Akademia se graad en ACCA-raadseksamens

ACCA-lidmaatskap word verwerf ná die suksesvolle aflegging van 13 raadseksamens, voltooiing van ʼn aanlyn module in etiek en professionele vaardighede, en drie jaar se toepaslike praktiese ervaring. Hierdie raadseksamens word in vyf kategorieë geklassifiseer en assesseer spesialiskennis in velde soos bestuursrekeningkunde, belasting, ouditkunde en rekeningkunde. Kandidate werk teen hul eie pas en kan elke drie maande die raadseksamens aanpak.

Akademia se BCom (Rekeningkunde)-program is by ACCA geakkrediteer en word ingevolge ʼn nauurse afstand- en ʼn voltydse kampusmodel aangebied. Dit bied ʼn versnelde weg na die gesogte internasionale titel, “geoktrooieerde, gesertifiseerde rekenmeester,” en die Suid-Afrikaanse ouditprofessie. Graduandi van dié elite-program kwalifiseer vir vrystelling van nege van die 13 raadseksamens. Lees meer oor die toelatingsvereistes vir hierdie NKR-program op vlak 7 hier.

Toekomsvisie

Met ʼn visie om die beroep voortdurend te versterk, bevorder ACCA die ontwikkeling van etiese leierskap, strategiese denke en professionele vaardighede.

Jaarlikse koste en fooie

Registrasie van goedgekeurde ACCA-werkgewers is gratis, maar daar kan jaarlikse koste wees om ʼn werkgewer se ACCA-status in stand te hou en vir die verskaffing van voortgesette professionele ontwikkeling (VPO) aan ouditklerke. Ouditklerke kan eksamengeld en lidmaatskapfooie verwag wat wissel na gelang van die stadium van hul studie op pad na die verwerwing van hul kwalifikasie.

Vereistes vir opleidingsbeamptes

Om as ʼn ACCA-opleidingsbeampte op te tree, moet die persoon ʼn lid wees van ʼn erkende rekenmeestersliggaam of moet ʼn gekwalifiseerde ouditeur wees. Dit verseker dat die opleiding en mentorskap van klerke aan internasionale standaarde voldoen.

Gevolgtrekking

ACCA-akkreditasie is ʼn erkende roete na oudit-spesialisasie in Suid-Afrika en is ʼn opwindende ontwikkeling wat jong professionele persone bemagtig om hul toekomsdrome na te jaag – selfs internasionaal.

Solidariteit se Finansiesnetwerk is verbind tot die volhoubare groei en ontwikkeling van die finansiële bedryf.

Volgens Rickus Botha, netwerkorganiseerder van die Solidariteit Finansiesnetwerk, is die rol van dié netwerk om sy ondersteuners, ACCA en Akademia bymekaar uit te bring om die netwerkondersteuners met die nodige inligting te bemagtig om as ʼn opleidingsentrum by ACCA geakkrediteer te word. Akademia-studente wat dan ʼn BCom (Rekeningkunde)-graad verwerf, sal dus by ACCA geakkrediteer word en sal die arbeidsmark met vertroue kan betree. Deur nou al inligting oor die ACCA-akkreditasie aan die ondersteuners van die Finansiesnetwerk te verskaf, kan finansiële instellings ook in die toekoms Akademia se gesogte studente in diens neem.