Klets só saam in jou beroepsgemeenskapgroep

Deur Maryna Eksteen

Solidariteit het ʼn splinternuwe digitale bymekaarkomplek geskep vir ʼn gemeenskap wat verenig is in hul geloof dat hul sukses in gemeenskapskrag en ʼn kultuur van #ElkeenHelpEen lê. Hierdie gemeenskap is gebou op ʼn fondasie van gedeelde Westerse waardes en ʼn diepgewortelde waardering vir die tradisies en erfenis wat hul identiteit definieer. Hierdie gemeenskap bestaan uit my en jou!

Dit is ʼn ruimte waar jong mense die hulpbronne, ondersteuning en leiding kan kry wat hulle benodig om hul doelwitte te bereik en hul drome te verwesenlik, en waar die meesters in ons gemeenskap hul roeping kan uitleef in die wete dat hulle ‘n nalatenskap vir hul gemeenskap skep. Die wese van hierdie gemeenskap lê in sy passie vir opvoeding, opleiding en die geloofsoortuiging dat werk adel is. In hierdie gemeenskap kan ons die Afrikaner bemagtig om hul reis na ʼn vry, veilige en voorspoedige toekoms te verseker.

Ongeag of jy ʼn dokter, onderwyser, ambagsman of kantoorpraktisyn is, jy kan seker wees daarvan dat jy ʼn  “ek-behoort”-gevoel sal ervaar op die nuwe aanlyn gemeenskap. Solidariteit stel vir die eerste keer “groepe” bekend aan sy lede. Hier kan jy in ʼn unieke gemeenskap in jou beroep en menswees gekoester en gevier word. Dit skep ʼn sin van gemeenskaplike identiteit en krag binne die gemeenskap.

As lid van Solidariteit kan jy uitsien na die volgende inhoud in jou beroepsgemeenskapgroep:

• Beskrywing van die gemeenskap

Ons beroepsnetwerk is ʼn dinamiese gemeenskap van individue wat in dieselfde beroep werk. Ons gemeenskap is daarop gemik om die beroep te beskerm, loopbaangeleenthede vir jong mense te skep, ʼn waaksame oog oor die beroep te hou en uitdagings met werklike oplossings te takel.

• Kalender

Ons kalender bied ʼn oorsig oor relevante gebeure en aktiwiteite wat binnekort plaasvind. Hierdie gebeure sluit in werkswinkels, konferensies, netwerkgeleenthede en ander relevante byeenkomste wat vir lede van die gemeenskap van belang kan wees.

• Besigtig lede van groep

Ons beroepsnetwerke bied ʼn funksie wat lede in staat stel om ander lede te besigtig. Dit is ʼn nuttige manier om mense te ontmoet en te netwerk, sowel as om inligting oor ander lede se vaardighede en ervaringe te bekom. Ons streef daarna om ʼn gemeenskap te skep waarin lede mekaar ondersteun en aanmoedig om te groei en te floreer.

• Werk wat relevant tot die beroep is

Ons beroepsnetwerk bied inligting oor werksgeleenthede wat vir ons beroep relevant is. Dit sluit in beskikbare poste, projekte en vryskutgeleenthede in. Hierdie inligting kan lede help om nuwe werksgeleenthede te kry en hul loopbaan vorentoe te neem. Ons is trots daarop dat ons die beroep ondersteun deur geleenthede vir groei en vooruitgang aan te bied.

• Leer wat relevant tot die beroep is

Die beroepsnetwerk se sitkamer bied ook inligting oor leer- en ontwikkelingsgeleenthede wat relevant vir die beroep is. Dit sluit in werkswinkels, kursusse en opleidingsprogramme wat mense kan help om hul vaardighede en kennis in die beroep te verbeter. Ons glo daarin om deur middel van voortgesette leer en ontwikkeling te groei en ʼn suksesvolle loopbaan te bou.

• Video’s wat relevant is vir die gemeenskap

ʼn Verskeidenheid van video’s wat vir die gemeenskap relevant is, is by die beroepsnetwerk se sitkamer beskikbaar. Die video’s sluit in onderhoude met suksesvolle individue in die beroep, praktiese wenke en raad oor die beroep, asook ander nuttige inligting. Hierdie video’s is ʼn bron van inspirasie en kan ʼn waardevolle bydrae tot die ontwikkeling van vaardighede en kennis in die beroep lewer.

• Gebeurtenisse

Die beroepsnetwerk se groepe bied gereeld gebeurtenisse aan wat relevant vir die gemeenskap is. Dit sluit in netwerkgeleenthede, werkswinkels, konferensies en ander relevante byeenkomste. Hierdie geleenthede bied ʼn platform aan lede om met mekaar te skakel en kennis en ervaringe te deel om ʼn beter begrip van die beroep te ontwikkel. Ons moedig lede aan om hierdie geleenthede by te woon en om so by die gemeenskap betrokke te raak.

• Relevante dokumente

Die groepe bied toegang tot relevante dokumente, soos riglyne, verslae en ander inligting wat vir lede van die gemeenskap van belang kan wees. Hierdie dokumente kan mense help om op hoogte te bly van nuwe ontwikkelings in hul beroep en hul vaardighede uit te brei. Ons strewe daarna om die relevantste en nuttigste dokumente aan te bied sodat lede ʼn beter begrip van die beroep kan ontwikkel en hul loopbaan kan bevorder.

Slegs Solidariteit-lede sal as deel van die premiumaanbod volle toegang tot beroepsnetwerkgroepe hê – alle gebruikers sal wel toegang hê tot ʼn basiese oorsig oor wat die groepe behels en hoe dit hulle sal baat as hulle lidmaatskap opneem.

#RaakTuis en besoek www.solidariteit.co.za op 2 September om deel te word van ’n reuse-helpmekaargemeenskap wat saamstap op jou loopbaanpad.

Wees onmisbaar in jou beroepstuiste!