Skerp nóú al jou vaardighede op vir 2026

Deur Kyla-Ann du Toit

2026 is om die draai – nóú is die regte tyd om in jouself te belê! As jy in jou beroep wil groei, verbeter en uitstaan, is dit nou die tyd om nuwe vaardighede aan te leer en jou kennis te verbreed.

Solidariteit se aanbod vir voortgesette leer help jou om jouself voor te berei vir die toekoms. Of jy nou jou loopbaanrigting wil verander, in jou huidige werk wil uitblink of net iets nuuts wil aanleer, Solidariteit is jou geheime wapen om dit maklik en vinnig reg te kry.

ʼn Wêreld van aanlyn kursusse

Bly op die voorpunt van jou loopbaan met opleidingskursusse van hoë gehalte wat pasgemaak is vir jóú beroep. Solidariteit se wêreldklas-leerplatform gee vir jou toegang tot nagenoeg 150 aanlyn kursusse. En die beste nuus? As jy ʼn lid van Solidariteit is, is dit alles heeltemal gratis! Van instandhouding en entrepreneurskap tot fotografie, projekbestuur en finansiële beplanning – die kursusse is prakties, relevant en ontwerp om jou op jou loopbaanpad te ondersteun.

Met so ʼn wye spektrum van opsies het jy werklik ʼn verskeidenheid kursusse waarvan jy kan kies om te verseker dat jy groei en jou volle potensiaal bereik. Leer wat jou loopbaan nodig het, maar op jou eie tyd. Dit is maklik, gerieflik en absoluut die beste manier om sinvol in jouself en jou loopbaan te belê.

Groei professioneel én persoonlik

Dalk is jy op soek na iets prakties, dalk iets kreatief of dalk iets om jou professioneel te versterk. Solidariteit gee vir jou die geleentheid om dit reg te kry. Elke kursus help jou om nader aan jou persoonlike en professionele doelwitte te beweeg.

Die einde van die jaar is die ideale tyd om te beplan en voor te berei vir dit wat voorlê. Wanneer werkgewers vroeg in die nuwe jaar nuwe poste adverteer, sal dit juis diegene met vars kennis en toegepaste vaardighede wees wat uitstaan. Deur vandag reeds in jouself te belê, bou jy aan vertroue – in jouself én in jou CV.

Elke nuwe vaardigheid, hoe klein ook al, tel in jou guns. Dit wys dat jy gemotiveerd, doelgerig en gereed is vir groei. En wie wil nie met ʼn voorsprong in die nuwe jaar ingaan nie?

Begin vandag leer vir sukses

Elke jaar bring nuwe uitdagings, maar ook nuwe kanse om jouself te verbeter. Deur nou reeds te begin leer, wys jy dat jy ernstig is oor jou toekoms. Dit is nie nodig om tot Januarie te wag om goeie voornemens te begin uitleef nie – jy kan vandag al daardie eerste slim stap neem. Of jy net een kursus aanpak of besluit om ʼn hele lys vaardighede op te knap, elke tree vorentoe tel.

As jy nog nie ʼn lid van Solidariteit is nie, kan jy steeds ʼn profiel registreer en toegang kry tot die kursusse teen bekostigbare pryse. Dit is jou kans om te begin leer, groei en jouself reg te posisioneer vir sukses in 2026.

Moenie wag tot Januarie nie – begin vandag. Klik hier om jou gratis profiel te registreer en blink sommer vroeg in die nuwe jaar uit met opgeskerpte vaardighede en uitgebreide kennis.