Werk slimmer, nie harder nie

Deur Maryna Eksteen

Alles gebeur deesdae vinniger en die eise op werknemers neem daagliks toe. Dit is eenvoudig nie meer genoeg om bloot harder te werk nie. Jy moet slimmer werk, en meer strategies en gefokus wees. Met die regte vaardighede en hulpmiddels is dit wel moontlik!

Slim werk beteken jy mors minder tyd, energie en aandag, en konsentreer op dit wat werklik saak maak. Dit is hoe jy floreer en nie net oorleef nie.

Hier is sewe praktiese tegnieke om jou werkdag slimmer te bestuur – en hoe Solidariteit jou hiermee kan help:

1. Prioritiseer doelgerig

Nie alles op jou “om-te-doen”-lys is belangrik nie. Onderskei tussen dit wat dringend is en dit wat waarde toevoeg. Werk daagliks aan ten minste een taak wat jou span, jou rol of jou vaardighede versterk.

Leer goeie tydsbestuur en prioritisering met aanlyn kursusse op Solidariteit – spesifiek ontwerp vir werkende mense.

2. Gebruik tegnologie tot jou voordeel

Tegnologie – van digitale skedulering tot outomatisering en kunsmatige intelligensie –          kan herhalende en tydrowende take verminder. So skep jy tyd vir hoër-orde werk.

3. Skep gefokusde werkblokke

Om meer as een taak te verrig, is nie ʼn teken van produktiwiteit nie – dit is dikwels die direkte pad na uitputting. Werk vir 25 tot 50 minute met doelgerigte fokus en neem dan kort breuke tussenin. Jy sal meer bereik in minder tyd.

4. Behou ʼn leer-ingesteldheid

Slim werkers leer voortdurend. Hulle soek beter oplossings, nuwe vaardighede en meer effektiewe prosesse. Jy word onmisbaar wanneer jy self oplossings maak en dit met jou span deel.

Met instellings soos Akademia, Sol-Tech, en Solidariteit se voortgesette leer-aanbod word bekostigbare maniere om te groei vir jou aangebied – selfs terwyl jy werk.

5. Kommunikeer duidelik en kortliks

Misverstande, te veel e-posse en onnodige vergaderings steel waardevolle tyd. Stel duidelike verwagtinge, hou kommunikasie professioneel en volg op sonder om die proses te verswelg.

6. Ken jou energie-uitset

Slim werk beteken jy weet wanneer jy produktief is. Beplan jou dag daar rondom. Skryf die moeilike e-pos in die oggend en doen die eenvoudige take wanneer jy moeg raak. Jy is nie ʼn masjien nie en dit is onmoontlik om soos een te werk.

7. Doen minder, maar beter

Elke taak het nie dieselfde waarde nie. Werk slimmer deur doelbewus op kwaliteit te fokus wat resultate bring. Die regte aksie op die regte tyd is van meer waarde as eindelose besig-wees.

Slim werk is ʼn vaardigheid en dit kan aangeleer en versterk word. As ʼn Solidariteit-lid kry jy toegang tot:

• • gehalte opleiding deur Akademia, Sol-Tech en Solidariteit se voortgesette leerplatform;
• • beroepsnetwerke vir mentorskap, ondersteuning en groei;
• • loopbaanhulp, rigtingwysers en selfontwikkeling; en
• • arbeidsregtelike beskerming vir ʼn gesonde werkomgewing.

Bou aan jou toekoms – een ingeligte besluit op ʼn slag

Elke nuwe gewoonte bring jou nader aan ʼn loopbaan waarin jy meer kan bereik, sonder om jouself uit te put.

Sluit vandag nog by Solidariteit aan en begin bou aan ʼn werklewe wat doelgerig, doeltreffend en volhoubaar is.

Sluit aan of verken Solidariteit vir aanlyn kursusse wat jou bemagtig om slimmer te werk.