Werk só saam met jou kind as voorbereiding vir hul toekomstige beroep

Deur Ané Janse van Rensburg

Ons sien daagliks hoe tegnologiese vooruitgang die werking van die samelewing verander. Só ook kan ouers, skole en skoliere opgewonde raak oor ʼn paar nuwe beroepe wat hul verskyning maak.

Ouers en skole behoort nie net opgewonde te wees oor die moontlikheid van nuwe beroepsgeleenthede vir hul kinders nie. Hulle moet ook nóú meer as ooit tevore hande vat om seker te maak dat skoliere toegerus is om hul drome na te jaag! Solidariteit se Skoliere-aanbod glo in die krag van kennis en voorbereding, en wil saam met jou en jou kind hierdie opwindende toekomspad stap. Lees hier meer oor die nuwe beroepe wat vir die toekoms in die vooruitsig is.

Hier is ʼn paar areas waar jy jou kind kan help groei om seker te maak dat hulle beroepsgereed is:

Kritiese denkvaardighede en kreatiwiteit

Dit is belangrik dat kinders aangemoedig word om vrae te vra, probleme te ontleed en innoverende oplossings te vind. Ouers en onderwysers kan saamwerk om geleenthede vir kritiese denke en kreatiwiteit te skep, soos deur deelname aan wetenskap- of kunsprojekte.

Die twee s’e: samewerking en spanwerk

Spanwerk is ‘n noodsaaklike vaardigheid vir die toekoms. Skole kan groepwerk aanmoedig, terwyl ouers hul kinders kan motiveer om by sportklubs of sportspanne aan te sluit wat hulle sal help om saam met ander te werk en om verskillende perspektiewe te waardeer.

Tegniese vaardighede en digitale geletterdheid

Tegnologie speel ‘n groter wordende rol in toekomstige beroepe. Basiese kodering- en tegniese vaardighede kan reeds op ‘n jong ouderdom ontwikkel word. Skole kan kursusse aanbied wat op tegnologie fokus, terwyl ouers kinders vir aanlyn kursusse of werksessies kan inskryf.

Solidariteit spog met ʼn reeks aanlyn kursusse vir voortgesette leer wat jou kind kan help om verskeie vaardighede te ontwikkel. Loer gerus hier na die kursusse.

Veerkragtigheid en aanpasbaarheid

Kinders moet voorbereid wees op die onvermydelike veranderinge wat hulle gaan teëkom. Ouers en skole kan ‘n groeigedagte kweek wat kinders sal help om uitdagings as geleenthede te beskou en hulle sal aanmoedig om voort te gaan ondanks struikelblokke.

Praktiese leerervarings

Dit is belangrik om kinders se betrokkenheid by praktiese leerervarings aan te moedig. Hierdie ervarings, soos wetenskapprojekte of gemeenskapswerk, help kinders om die verband tussen teorie en praktyk te verstaan, en dit sal hul begrip en selfvertroue versterk. Dit is ook slim om jou kinders bloot te stel aan vakansiewerk waar hulle ʼn voorsmakie van die werksomgewing kan kry.

Lees hier meer oor die waarde van vakansiewerk.  

Jou kind se toekoms is beslis blink. Met die nodige ondersteuning kan jou kind groot drome najaag. Skep vandag jou gratis Solidariteit-profiel en ontdek ʼn gemeenskap wat saam met jou en jou kind ʼn pad wil stap. Ons help bou aan ʼn toekoms waar alle kinders hul plekkie kan vind.