Kuberkraking in Suid-Afrika

Die IT-netwerk, in samewerking met prof. Danny Myburgh, ʼn uitsonderlike leier en die besturende direkteur van Cyanre, bied hierdie webinaar aan. Prof. Danny se loopbaan sluit in samewerking met die FBI en Interpol, en hy het ʼn sleutelrol gespeel in die ontwikkeling van die SAPD se kubermisdaad-eenheid.

Tydens hierdie webinaar gaan prof. Danny die voorkoms van kuberkraking in Suid-Afrika bespreek, insluitend die omvang en werklikheid van dié situasie. Hy gaan praat oor hoe om jou databasis te versterk en te beskerm, en gaan jou maklike maniere wys om lokvalle te vermy.

Hierdie kursus is ʼn geleentheid om dieper in die wêreld van kuberveiligheid te delf en ʼn groter bewustheid van die risiko’s te bewerkstellig.