2023 se topvyfkursusse vir voortgesette leer

Deur Maryna Eksteen

Die konsep van tradisionele onderwys het die afgelope paar jaar radikaal verander. Tegnologie is ook konstant besig om te verander en te vernuwe wat beteken dat afstand leer baie meer gewild geraak het. Deesdae het jy toegang tot gehalte-onderrig waar en wanneer jy wil, solank jy toegang het tot aanlyn platforms. Solidariteit betree nou ʼn nuwe era – die rewolusie van aanlyn leer.

Solidariteit bied meer as 60 aanlyn kursusse wat geskik is vir almal, van ʼn ambagsman tot ʼn regsgeleerde. Die geleenthede is eindeloos en met hierdie kursusse kan jy relevant bly in jou werkplek en uitstaan bo jou mededingers.

Solidariteit het gaan ondersoek instel om vas te stel watter kursusse tans die gewildste kursusse vir 2023/2024 is:

E-posetiket

As jong werkende is die stuur en ontvang van e-posse waarskynlik ʼn groot deel van jou werkslewe. Weet jy egter hoe om met die regte etiket oor e-pos te kommunikeer? Hierdie kursus gee vir jou 26 riglyne wat jou gaan help om uitstekend oor e-pos te kommunikeer.

Microsoft Excel: Basies tot gevorderd

Microsoft Excel word in die meeste werkplekke gebruik en jy kan baie meer effektief werk as jy verstaan hoe om dit te gebruik. Bemeester Excel in hierdie kursus en leer hoe om formules te gebruik, data te manipuleer, tabelle te bestuur, en nog baie meer. Vaardigheid in Excel is noodsaaklik vir enige pos waar daar met data gewerk word.

Basiese instandhouding

Doen die basiese kennis op om algemene herstelwerk in die residensiële omgewing te doen. Dit sluit algemene herstelwerk en onder andere hout-, loodgieters-, verf-, elektriese-, teël- en tuinwerk in.

Emosionele intelligensie

Leer meer oor emosionele intelligensie en konflikbestuur saam met Marjon Meyer.

Grense in die werkplek

Gesonde grense in die werkplek is baie belangrik vir jou welstand. In hierdie kursus sal jy meer leer oor wat gesonde grense behels, hoe om jou eie grense te stel, en ook hoe om ander mense se grense te respekteer.

Wees aan die voorpunt van jou loopbaanontwikkeling. Lees hier meer oor jou eenstop-beroepstuiste vir voortgesette leer. Indien jy nog nie ʼn lid van Solidariteit is nie, klik hier om binne een minuut aan te sluit of lees hier meer oor hoe jy vir kursusse kan inskryf.

Bemagtig jouself en staan uit bo jou mededingers. Jou toekoms is in jou hande!