Akademia: Studieaansoeke vir 2026 is oop!

Het jy al oor jou toekoms ná matriek begin dink? Of oorweeg jy dalk om jou loopbaan deur verdere studie ʼn hupstoot te gee? Dan is dit nou jou kans! Akademia se studieaansoeke vir 2026 het nou amptelik geopen – en jy kan vandag nog aansoek doen.

Deur Leré Nel

Die eerste tree na ʼn vervullende studieloopbaan begin hier. Akademia se studieaansoeke vir 2026 het amptelik geopen, en almal wat van ʼn betekenisvolle loopbaan droom, word genooi om vandag nog by Akademia in te skryf.

Of jy nou binnekort matriek skryf, reeds werk, of jou tyd tussen jou passie en ander verpligtinge verdeel – Akademia bied jou die geleentheid om ʼn gehaltekwalifikasie in Afrikaans te verwerf, en dit op ʼn manier wat by jóú leefstyl pas.

ʼn Waardevolle fondasie

Volgens Marthinus Visser, Akademia se besturende direkteur, is daar beduidende voordele verbonde aan naskoolse kwalifikasies. “In Suid-Afrika is die werkloosheidskoers aansienlik laer onder gegradueerdes. Daar is ʼn sterk verband tussen akademiese begronding en ʼn mens se inkomstevermoë,” sê hy.

Maar dit gaan nie net oor kwalifikasies nie – Akademia se studenteword deel van ʼn unieke studiemilieu waar hulle lewenslange vriendskappe en netwerke bou en ook hul denke én hart vir ʼn hoopvolle, roepingsgedrewe toekoms ontwikkel.

Twee studiemodelle – een blink toekoms

Akademia se nauurse afstandsmodel is ideaal vir diegene met ʼn vol program. Jy kan op jou eie tyd klasdraf – deur by ʼn sentrum aan te sluit of op die e-leerplatform. Klasse vind op weeksaande en Saterdae plaas, perfek vir die werkende student of vir diegene wat voltyds werk.

Aan die ander kant bied Akademia ook voltydse kampusstudie aan – ʼn kampus is reeds in Centurion gevestig en ʼn kampus is binnekort (vanaf 2026) in die Paarl beskikbaar. Die pragtige nuwe Paarl-kampus beloof ʼn opwindende studentelewe en ʼn veilige, moderne leeromgewing. ʼn Spesiale kampusopedag word op 9 en 10 Mei 2025 in die Paarl gehou, en voornemende studente in die Wes-Kaap word genooi om dit by te woon.

Begin vandag jou aansoek

Die aansoekproses is volledig aanlyn en dit neem sowat 20 minute om te voltooi. Jy benodig slegs basiese dokumentasie soos jou ID, jongste punte of kwalifikasies, en ʼn CV indien jy reeds werk. Akademia se vyf fakulteite – Ekonomiese en Bestuurswetenskappe, Geesteswetenskappe, Opvoedkunde, Natuurwetenskappe en Regsgeleerdheid – bied iets vir elke toekomsdromer, en dít in jóú taal.

Neem die eerste tree – doen nou aansoek aanlyn:
Klik hier om jou studiepad te begin!