Die fout wat die meeste eerstejaarstudente oor hul toekoms maak

Deur Liza Joubert

Jy begin universiteit met groot drome: ʼn graad, ʼn goeie werk en ʼn suksesvolle toekoms. Maar hier is die harde waarheid – die meeste eerstejaarstudente maak dieselfde fout: hulle dink hul graad alleen gaan genoeg wees.

Dit is nie.

Wat is die grootste probleem? Te min blootstelling en te laat beplanning. Talle studente fokus net op klasbywoning en eksamens, en eers in hul finale jaar begin hulle wonder: “Maar wat nou?”

Teen daardie tyd kompeteer jy met honderde ander studente, almal met dieselfde kwalifikasie as jy.

Hoekom ʼn graad nie meer genoeg is nie

In vandag se arbeidsmark soek werkgewers nie net ʼn kwalifikasie nie. Hulle soek iemand wat uitstaan – iemand met ervaring, selfvertroue en praktiese insig.

Dink daaraan: hoe onderskei jy jouself van 500 ander studente met presies dieselfde graad?

Die antwoord lê nie net in wat jy studeer het nie, maar in wat jy daarmee doen.

Wat slim studente anders doen

Studente wat uitstaan, begin al vroeg aan hul toekoms bou. Hulle wag nie tot hul finale jaar nie – hulle raak van dag een af betrokke.

Hulle:

• • bou hul CV lank voor hulle dit nodig het;
• • soek blootstelling aan hul toekomstige beroep;
• • leer hoe die werkplek werklik funksioneer; en
• • bou netwerke met mense wat reeds in die bedryf is.

Hierdie studente verstaan iets belangriks: jou loopbaan begin vandag, nie eendag nie.

Waar kry jy hierdie voorsprong?

Dit is waar die meeste studente iets mis – daar is strukture en netwerke wat spesifiek ontwerp is om jou te help groei, maar jy moet self die eerste stap neem.

Solidariteit fokus spesifiek daarop om studente te help uitstaan. Volgens Marike Burger, koördineerder van Solidariteit se Studente-aanbod, word daar soveel hulp vir studente gebied.

By Solidariteit kry jy:

• • CV-opleiding – jy leer self hoe om ʼn professionele CV op te stel;
• • terugvoer op jou CV – sodat jy weet wat werk en wat nie;
• • skaduwerkgeleenthede – om ʼn werklike kykie in jou toekomstige beroep te kry;
• • oefenonderhoude – om selfvertroue te bou voordat dit regtig tel;
• • mentorskapgesprekke – waar jy direk met ervare professionele persone kan praat; en
• • netwerkgeleenthede – waar jy skouers skuur met kenners in jou vakgebied.

Volgens Burger word daar selfs vir regstudente hoftoere gereël, en ʼn jaarlikse hoogtepunt is die Student tot Meester-netwerkgeleentheid waar jy direkte blootstelling aan jou toekomstige beroep kan kry.

Hoekom dit saak maak

Hierdie soort betrokkenheid verander alles.

Jy begin:

• • verstaan wat werkgewers werklik soek;
• • selfvertroue in jou eie vermoëns bou;
• • kontakte maak wat later deure kan oopmaak; en
• • praktiese ervaring opdoen wat ander studente nie het nie.

Wanneer jy eendag vir ʼn werk aansoek doen, is jy nie net nóg ʼn CV in die stapel nie – jy is iemand wat reeds gewys het dat jy ernstig oor jou toekoms is.

Die grootste fout wat jy kan maak, is om te wag – om te wag om te beplan, om betrokke te raak, om jou toekoms ernstig op te neem. Teen die tyd dat jy besef jy moes vroeër begin het, is ander studente reeds ligjare voor.

As jy nie net nóg ʼn student wil wees nie, maar iemand wat raakgesien word, begin nou. Raak betrokke by die #Studentelewegroep op Solidariteit-aanlyn. Hier kan jy groei, jou vaardighede bou en aan jou toekomstige beroep blootgestel word. Registreer vandag jou gratis profiel op Solidariteit-aanlyn en kry die bal aan die rol.

Jou graad is net die begin – wat jy daarmee doen, bepaal jou toekoms.