Gee jou loopbaan ʼn hupstoot met Solidariteit se voordele!

Deur Karen Waldeck

Dit is maklik om te voel dat jy in jou loopbaan stagneer of dat jy nie die regte geleenthede het om verder te groei nie. Dit is egter waar Solidariteit ʼn sleutelrol kan speel om nie net jou loopbaan te stabiliseer nie, maar ook om dit te laat floreer. Solidariteit bied ʼn wye reeks voordele wat jou kan help om jou loopbaan na die volgende vlak te neem. Hier is hoe jy voordeel uit jou Solidariteit-lidmaatskap kan trek:

1. Opleidingsgeleenthede om jou vaardighede op te skerp

In die moderne werkplek is voortgesette opleiding een van die belangrikste sleutels tot sukses. Of jy nou ʼn jong werkende is of reeds jare se ervaring in jou veld het, daar is altyd nuwe dinge om te leer en vaardighede om op te skerp. Solidariteit verstaan dit en bied daarom ʼn reeks kursusse aan wat daarop gemik is om sy lede op hoogte te hou van die nuutste tendense en tegnologieë.

Jy kan byvoorbeeld by Solidariteit aansluit en toegang kry tot nagenoeg 150 gratis opleidingskursusse wat wissel van projekbestuur en finansiële bestuur tot bemarking en konflikbestuur. Hierdie kursusse is spesiaal ontwikkel om lede te help om nie net meer effektief in hul huidige werk te wees nie, maar ook om hul kanse op bevordering te verhoog. Klik hier vir meer inligting oor Solidariteit se beskikbare kursusse.

2. Regs- en arbeidsadvies

Arbeidsverhoudinge en regsake in die werkplek kan dikwels ingewikkeld en uitdagend wees. Solidariteit bied egter vir sy lede uitstekende regsadvies en -ondersteuning om jou deur moeilike situasies te lei. Of jy nou te doen het met onbillike behandeling, kwessies met jou kontrak of afdanking, Solidariteit se regspan staan gereed om te help.

Hierdie regsadvies verseker nie net dat jy in jou werk beskerm word nie, maar dit help ook om jou vertroue in die werkplek te versterk, met die wete dat jy die regte ondersteuning het.

3. Loopbaanontwikkeling en netwerkgeleenthede

Netwerkvorming is ʼn belangrike deel van enige loopbaan, en Solidariteit bied ʼn platform waar jy met ander professionele mense in jou veld kan skakel. Deur Solidariteit se verskillende beroepsnetwerke kry jy toegang tot leiers in jou bedryf en kan jy waardevolle kontakte opbou wat jou toekomstige werksgeleenthede kan bevorder. Dit is ʼn uiters waardevolle hulpmiddel, veral in Suid-Afrika se mededingende arbeidsmark.

Solidariteit het ook gereelde werkswinkels en beroepsnetwerkgeleenthede wat jou nie net help om jou kennis te verbreed nie, maar jou ook die geleentheid bied om met ander mense in jou beroepsveld te netwerk. Hierdie geleenthede speel ʼn groot rol in die uitbreiding van jou professionele horisonne.

4. Opleidingsvoordeel

Lede van Solidariteit kan nou ook korting kry wanneer hulle of hul afhanklike kinders aan een van die Solidariteit se opleidingsinstellings studeer. Hierdie instellings sluit in Akademia, Sol-Tech, Bo-Karoo Opleiding, Solidariteit Helpende Hand Opleidingsinstituut en die Solidariteit Skoleondersteuningsentrum se Wolkskool.

Daar is ʼn glyskaal aan hierdie voordeel verbonde, waar lede korting kry op grond van die lengte van hulle Solidariteit-lidmaatskap. Indien jy daarvan gebruik wil maak, kontak gerus die Dienssentrum om te sien waarvoor jy kwalifiseer.

Solidariteit bied veel meer as net werksekerheid aan sy lede. Dit is ʼn organisasie wat jou loopbaan op elke vlak ondersteun – van opleidingsgeleenthede en regsadvies tot loopbaanontwikkeling. Jou Solidariteit-lidmaatskap verseker jou van ʼn veilige werkplek, waar jy nie net werk nie, maar ook góéd kan werk en jou volle potensiaal kan bereik!

Jy kan ook jou lidmaatskap aan jou profiel op Solidariteit koppel. Het jy geweet dat Solidariteit die grootste Afrikaanse aanlyn werkgemeenskap is? Hier kan jy jou kursusse gratis voltooi, met ander in jou beroep skakel en nuwe werksgeleenthede soek. Klik hier enskep vandag nog jou gratis profiel!

Die toekoms van jou loopbaan is net ʼn paar klikke weg.