Hoe werk ʼn studiebeurs?

Deur Karen Waldeck

Vanaf ʼn jong ouderdom word keer op keer gevra: “Wat wil jy word wanneer jy groot is?”. Met elke jaar wat verbygaan, word daardie vraag miskien met minder en minder hoop beantwoord. Een ding wat ons altyd moet onthou, is waar daar ʼn wil is, is daar ʼn weg. Studiebeurse bring die hoop weer terug vir jong mense wat verder wil studeer.

Indien jy dit oorweeg om vir ʼn studiebeurs aansoek te doen om jou drome waar te maak, is daar ʼn paar goed wat jy in verband met studiebeurse moet weet.

Wat is ʼn studiebeurs?

ʼn Studiebeurs is ʼn bedrag geld wat deur ʼn eksterne persoon of instansie aan ʼn student toegeken word om te help met sy/haar studies en ook alles wat daarmee gepaard gaan, byvoorbeeld boeke, verblyf ensovoorts. Anders as ʼn studielening hoef hierdie geld nie terugbetaal te word nie, maar daar is meestal vereistes wat wel gestel word. Indien dit vanaf ʼn maatskappy kom, kan hulle ʼn ooreenkoms met jou aangaan dat jy na jou studies by hulle sal moet gaan werk.

Wie kan aansoek doen vir ʼn studiebeurs ?

Enige student of matriekleerling kan aansoek doen vir ʼn beurs. Meestal word gekyk na jou matriekuitslae en dan word daar besluit of jy kwalifiseer of nie.

Waar kan jy aansoek doen vir ʼn studiebeurs ?

Daar is tans baie plekke waar jy kan aansoek doen vir ʼn studiebeurs. Hier is ʼn paar bekende plekke waar jy kan aansoek doen.

Studieonersteuning : Solidariteit glo dat almal wat wil studeer, moet kan studeer, daarom doen hulle baie moeite om beurse, lenings en beurslenings te skep, en hulle lede te vertel van die beurse en lenings waarvoor hulle kan aansoek doen. Klik hier vir ´n lys van inligting oor baie van die studielenings wat beskikbaar is.

ʼn Graad of sertifikaat sal jou voorkeur gee wanneer jy begin werk soek. Daar is baie instansies wat jong mense help om verder te leer. Met ʼn bietjie moeite sal jy die regte studiehulp vir jou opspoor.

Op Solidariteit se Studentelewe-groep deel ons graag wenke oor finansies, studies, werk en welstand. Skep jou gratis profiel op Solidariteit en raak deel van hierdie studentegemeenskap en jy sal lag-lag jou studies én finansies baasraak!