Leer ná 40 – Dis nie te laat nie – dis tyd

Deur Maryna Eksteen

Het jy al gewonder of jy dalk te oud is om iets nuuts te leer? Dalk droom jy al jare lank daarvan om verder te studeer, ʼn nuwe vaardigheid aan te leer, of selfs ʼn ander loopbaanrigting in te slaan – maar jy’s al in jou veertigs (of vyftigs) en wonder of dit die moeite werd is.

Hier is die goeie nuus: nie net kán jy ná 40 leer nie – jy is dalk juis beter daarvoor toegerus.

Jy’s nie te oud nie – jy’s gereed

Volwasse leerders het iets wat jonger studente steeds ontwikkel: lewenservaring, deursettingsvermoë en ʼn duideliker idee van wat hulle wíl hê. Jy leer met ʼn doel – en dis ʼn krag wat jy nie moet onderskat nie.

Tegnologie maak dit ook makliker as ooit. Jy hoef nie klas toe te gaan nie en jy hoef nie jou werk te los nie. Jy kan aanlyn leer – wanneer en waar dit vir jóú werk.

Wat is e-leer – en hoe werk dit?

E-leer verwys na aanlyn studies. Jy kry toegang tot lesings, video’s, leesmateriaal (PDF’s), aanlyn assesserings en selfs regstreekse virtuele klasse – alles vanaf jou rekenaar of selfoon, in die gemak van jou huis of kantoor.

Dis maklik om te begin en pas in by jou lewe.

Voordele van e-leer vir volwassenes:

• • Leer wanneer dit jóú pas – selfs ná werk of oor naweke.
• • Bespaar tyd en brandstof – geen pendel is nodig nie.
• • Leer teen jou eie pas – hersien modules of werk vinniger as jy wil.
• • Fokus op praktiese, toepaslike kennis vir die werkplek.

Baie mense glo nog dat jy op ʼn sekere ouderdom “stadiger” leer. Die waarheid? Jy leer anders – nie stadiger nie. Jou denke is meer gefokus, jy verstaan beter hoe dinge inmekaar pas, en jy het ʼn duideliker sin van wat werklik saak maak.

Jy is dalk nie meer 20 nie, maar jy het iets wat geen graad kan gee nie: insig, ervaring en motivering.

As jy na maniere soek om weer te begin leer, is jy op die regte plek. Solidariteit bied verskeie opsies:

• • Akademia – vir akademiese kwalifikasies
• • Sol-Tech – vir tegniese opleiding
• • Solidariteit Leer – vir kortkursusse en beroepsontwikkeling

Of jy nou jou loopbaan wil bevorder, ʼn nuwe rigting wil inslaan of bloot wil leer vir persoonlike groei – daar ís iets vir jou.

Jy hoef nie “oor te begin” nie – jy bou voort op wat jy reeds het. En dis nooit te laat om weer in jouself te belê nie.

Ontdek die leergeleenthede wat by Solidariteit op jou wag – en begin skryf aan die volgende hoofstuk van jou storie.