Ontsluit Generasie Z se potensiaal in die werkplek

Elke nuwe generasie bring vars perspektiewe en uitdagings na die werkplek, en Generasie Z is geen uitsondering nie. Hierdie jong, digitale denkers het unieke vaardighede en verwagtinge wat werkgewers die geleentheid bied om hul werkplekke na nuwe hoogtes te neem. Solidariteit se Studeerkamer bied aan lede ʼn gratis portaal vir insiggewende hulpbronne, en ʼn videoreeks oor Generasie Z is nou ook beskikbaar.

Die doel van hierdie videoreeks is om werkgewers te bemagtig om Generasie Z beter te verstaan en hulle unieke talente en vaardighede by hul organisasies te integreer.

Wat kan jy uit die videoreeks leer?

Die reeks is spesifiek gemik op werkgewers wat wil leer hoe om die beste uit Generasie Z te haal. Die video’s dek sleutelonderwerpe soos:

• • Generasie Z – oorsig
• • Verskillende generasies in die werkplek
• • Generasie Z en leer
• • Generasie Z en tegnologie
• • Generasie Z in die werkplek

Deur hierdie video’s te kyk, kry jy praktiese wenke oor hoe om Generasie Z te motiveer, op te lei en hul unieke sterkpunte te benut om jou besigheid te laat groei.

Waar om die reeks te kyk

Solidariteit se Studeerkamer is ʼn aanlyn skatkis vir hulpbronne, gidse, template en videoreekse om werkgewers en werknemers te bemagtig.

Om die videoreeks te kyk, moet jy op jou Solidariteit-profiel inteken en op die kieslys navigeer na die Studeerkamer.

Klik hier om jou Solidariteit-profiel te registreer of in te teken op jou profiel.

Verskillende generasies in een kantoor kan soms tot konflik lei. Wanneer jy as werkgewer verstaan hoe om jou generasie Z-werknemer se potensiaal aan te wend, kan jy nuwe markte ontsluit en nuwe lewe by jou onderneming bewerkstellig!