
Foto Krediet: Solidariteit
Gekopieër
Solidariteit en Sol-Tech vier Ambagdag 2025
Solidariteit en Sol-Tech het Ambagdag 2025 met opwinding en trots gevier! Van die hoogtepunte van die dag sluit in die aankondiging van die #JouYster-wenner, die #JongYster-ambagresies, verskeie uitstallers, asook braaivleisvure en musiek wat sorg vir ʼn feestelike atmosfeer. Ambagdag was dié plek om te wees! Lees hier meer.
Deur Kyla-Ann du Toit
“Ambag in my are; die gemeenskap se pilare!” Honderde mense – jonk én oud; verskeie uitstallers; Afrikaanse musiek; en ambagslui met ongelooflike vaardighede – dit is alles by Solidariteit en Sol-Tech se Ambagdag beleef!
“Ambagdag het behoorlik gegons,” sê Dirk Smit, organiseerder van die Solidariteit Ambagnetwerk. “Daar was trekkers en klomp masjinerie, asook mesmakers, geweersmede en nog vele meer. Die #JongYster-amabgresies het ook plaasgevind, die #JouYster-wenner vir 2025 is aangekondig en daar is ook talle groot pryse uitgedeel!”
Wat kon besoekers alles by Ambagdag sien en doen?
- • Die beoordeling van die topvyf-finaliste in die #JouYster-kompetisie en die aankondiging van die wenner. Die beoordeling het uit twee rondes bestaan, waartydens die finaliste vaardigheidsvrae moes beantwoord en in ʼn vaardigheidswedloop moes meeding.
- • ʼn Spesiale reünie vir Sol-Tech-alumni.
- • Die verlening van erkenning aan lojale lede van die Solidariteit Ambagnetwerk, met sertifikate oorhandig deur dr. Dirk Hermann.
- • Die #JongYster-ambagresies
- • Heerlike kos en Afrikaanse musiek
- • Sol-Tech-kampustoere
- • Vaardigheidstoetse waaraan oud en jonk deelgeneem het
- • Gelukkige trekkings en ʼn prysuitdeling

Hierdie hoogtepunte is slegs ʼn paar van die opwindende aktiwiteite wat op die dag plaasgevind het. Besoekers kon ook ʼn verskeidenheid uitstallings besigtig.
Vanjaar se uitstallers sluit in:
- • Pretoria-Noord Toyota
- • Noltrix
- • SED Electric
- • Technicol SA
- • Vibramech
- • Cosmo Training Academy
- • Cosmo Industrial
- • CatMan Audio
- • Benetrax Machinery
- • SA Truck Bodies
- • Innovative Gunsmithing
- • Rham Equipment
- • ARB Electrical Wholesalers
- • Sarel Venter Custom Knives
- • Charles Auto Services
- • Century Avionics
- • Mit-Mak Motors
- • Jonsson Workwear
- • PFERD
Daar is ook fantastiese pryse aan besoekers en deelnemers teogeken, wat tydens ʼn prysuitdeling uitgedeel is.
Die pryse sluit in:
- • 4 × inverter-sweismasjiene (R1 800 elk)
- • 3 × slim UPS’e (R21 500 elk)
- • 1 × Eskort-koopbewys (ter waarde van R1 000)
- • 1 × PFERD-geskenk (ter waarde van R3 300)
- • 1 × HellermannTyton elektriese toestel
- • 4 × kontantpryse ter waarde van R2 500 elk
- • 1 × PV GreenCard-sonkragkursus (ter waarde van R14 600)
- • 1 × Technicol SA N4- tot N6-kursus
- • 4 × Takealot-geskenkbewyse (R500 elk)
“ Ambagdag 2025 was ʼn wonderlike ervaring,” sê Andrew Hern, lid van Sol-Tech se studenteraad. “Ons het vandag in die #JongYster-ambagresies gekompeteer om te kyk wie in die verskeie ambagte uitgestaan het. Die atmosfeer was bruisend en ons het elke oomblik daarvan geniet. ”

Ambagdag 2025 was ʼn reuse-sukses. Die #JouYster-wenner vir 2025 is aangekondig, studente se vaardighede is tydens die #JongYster-ambagresies behoorlik getoets en besoekers was op verskeie maniere vermaak.
Die Solidariteit Ambagnetwerk wil graag elke besoeker bedank wat Ambagdag 2025 bygewoon het.
Besoek Solidariteit om jou gratis profiel te registreer en sluit vandag nog by die Solidariteit Ambagnetwerk aan – ʼn beroepsgemeenskap vir alle ambagslui!