Solidariteit se aanlyn gemeenskap is 120 000 sterk

120 000. Dit is nie vir Solidariteit net ʼn getal nie, dit is ʼn bewys van ʼn groeiende gemeenskap.

Solidariteit se werk- en leerplatform het vandag ʼn mylpaal van 120 000-profielregistrasies bereik. Dit is 120 000 mense wat deel is van ʼn aktiewe beroepsgemeenskap wat aanhou groei en al hoe sterker word. Elke registrasie verteenwoordig iemand wat kies om sy of haar volle potensiaal te bereik – om deel te wees van ʼn netwerk van werk, leer en gemeenskapsondersteuning.

Dit is meer as nét ʼn platform

Wat hierdie platform uniek maak, is dat dit meer bied as net werksgeleenthede of voortgesette leer-kursusse. Dit is ʼn platform wat vir gebruikers toegang gee tot ʼn werkportaal, loopbaanontwikkeling, leergeleenthede en ʼn netwerk van mense met gedeelde waardes. Van studente en skoliere tot ouers en jong werkendes – jonk en oud maak gebruik van hierdie waardevolle aanlyn gemeenskap.

Vir Solidariteit is 120 000 gebruikers ʼn bewys dat die visie van ʼn selfstandige gemeenskap ʼn werklikheid word – dat ʼn gemeenskap saamstaan vir ʼn beter en sterker toekoms.

Wat bied hierdie platform?

Solidariteit se platform het ten doel om lede te bemagtig. Elke gebruiker op die platform het toegang tot ʼn omvattende ekosisteem wat elke fase van hul loopbaan ondersteun:

• • Werkfasilitering: Duisende poste en aansoeke word jaarliks gefasiliteer, en werkgewers kry direkte toegang tot die regte kandidate. Klik hier vir meer inligting oor Solidariteit se werkfasiliteringsplatform.
• • Voortgesette leer: Daar is meer as 150 kursusse vir voortgesette leer wat lede help om hul vaardighede op te skerp en beroepsontwikkeling ondersteun. Klik hier en loer na al die beskikbare kursusse.
• • Beroepsnetwerke en sektorgroepe: Daar is 11 gespesialiseerde beroepsnetwerke en 8 sektorgroepe wat elkeen hul eie aanlyn groep het. Hierdie netwerkgroepe bied nuus, regsadvies en geleenthede wat spesifiek op jou beroep of sektor fokus.
• • Hulpbronne vir skoliere: Solidariteit se Skoliere-aanbod staan leerders by tydens elke fase van hul hoërskoolreis.
• • Hulpbronne vir jong werkendes: Solidariteit ondersteun werknemers wat pas die werkplek betree het met sessies wat handel oor belastingopgawes, hoe om ʼn goeie begroting op te stel en werknemers se regte in die werkplek. Lees hier meer oor hoe Solidariteit jong werkendes bystaan.
• • Hulpbronne vir studente: Solidariteit se Studente-aanbod word tydens hul studie bygestaan met onder meer geleenthede vir mentorskap, skaduwerk en eksamenondersteuning. Klik hier om meer te lees oor die Studentelewegroep.

Elke nuwe profielregistrasie versterk hierdie aanlyn netwerk. Hoe groter die gemeenskap, hoe meer waarde skep dit – nie net vir werksoekers nie, maar vir die breër Afrikaanse gemeenskap.

ʼn Hoopvolle toekoms

120 000 is reeds ʼn groot mylpaal, maar dit is slegs die begin. Solidariteit se platform word voortdurend uitgebrei om meer pasgemaakte en interaktiewe funksies te bied. Die visie is dat gebruikers nie net werk kry nie, maar ook nuwe geleenthede vir mekaar skep – uit die gemeenskap, vir die gemeenskap.

Solidariteit se platform is ʼn bewys dat ons nie wag vir verandering om te gebeur nie, maar sélf die verskil maak. Sluit aan by die beweging wat werknemers bemagtig! Nooi jou vriende en familie om ook ʼn profiel te skep en deel van hierdie revolusionêre gemeenskap te word.

Registreer vandag nog jou gratis profiel op Solidariteit – met 120 000 sterk bou ons saam aan ʼn vry, veilige en voorspoedige toekoms!