Solidariteit vier jóú, adminkryger!

Om ʼn kantoorpraktisyn te wees behels soveel meer as om net fone te antwoord en e-posse te stuur. ʼn Kantoorpraktisyn hou gewoonlik al die balle in die lug om seker te maak dat ʼn kantoor soos ʼn goed geoliede masjien kan funksioneer. Sonder formidabele adminkrygers sal kantore in wanorde verval. Fone sal lui, personeel sal laat wees vir afsprake, kliënte sal verdwaal, bestuurders sal afsprake misloop en die koffiestasie sal soos ʼn spookdorp lyk.

Solidariteit sien jou raak! Daarom vier die Solidariteit Kantoorpraktisynsnetwerk op 4 September 2024 kantoorpraktisyns regoor Suid-Afrika met Sekretaressedag. Tydens hierdie geleentheid word administratiewe personeel en kantoorpraktisyns bederf, vermaak en inspireer deur bekende sprekers.

Bring jou kollega en kom geniet ʼn dag gevul met bederf saam met Solidariteit, want jy is vir ons belangrik. Nie net wil ons jou bederf nie, maar ons wil jou inspireer om jou volle potensiaal in jou beroep te bereik deur netwerkgeleenthede, voortgesette leer en mentorskapgeleenthede.

Loer gerus hieronder na die streke waar ons jóú gaan vier:

• •Centurion
• •Boksburg
• •Bellville
• •Richardsbaai
• •Port-El•izabeth
• •Orania
• •Nelspruit

Onthou, jy is soveel meer as net ʼn kantoorpraktisyn. Lees gerus hier meer. Elke kantoorpraktisyn verdien ʼn dag af om bederf te word. Klik hier om jou plek te bespreek of stuur ʼn e-pos na kantoor@solidariteit.co.za vir meer inligting.