Verstaan jouself om jou loopbaanpad te bepaal

ʼn Beter begrip van jou persoonlikheidstipe is nie net nodig om jou loopbaanpad te bepaal nie, maar is ook deurslaggewend vir persoonlike ontwikkeling. Lees meer oor die rol van jou persoonlikheid en hoe dit jou loopbaanpad kan bepaal.

Deur Nico Strydom

Om bewus te wees van jou persoonlikheidstipe sal jou help om jou sterk- en swakpunte én jou waardes te identifiseer, wat jou sal bemagtig om die verhoudings te navigeer wat die basis van jou daaglikse ervaring vorm, sê dr. Tendani Netshilata, ’n psigiater by Netcare Akeso Arcadia.

“Persoonlikhede speel ʼn groot rol in werk en persoonlike verhoudings, wat verskeie sleutelaspekte van ons emosionele intelligensie beïnvloed, soos hoe ons kommunikeer, hoe ons ons wêreld waarneem en interaksie van ander ontvang, en ons vermoë om konflik op te los en stres te hanteer. Dit is sentraal in hoe ons verhoudings uitspeel, van die romantiese tot die platoniese en professionele, en dit het ʼn impak op die tipe beroepe wat ons kies,” sê sy.

Faktore soos tegnologiese ontwikkeling, ekonomiese en geopolitieke ontwrigtings, en toenemende sosiale- en omgewingsdruk, dryf vinnige veranderinge in die arbeidsmark aan. Volgens die Wêreld Ekonomiese Forum se Future of Jobs Report van 2023 sal 40% van werknemers se kernvaardighede teen 2027 deur tegnologiese verandering ontwrig word, wat lei tot ʼn behoefte aan ʼn kultuur van lewenslange leer.

Om raak te sien hoe jou persoonlikheidstipe jou lewenspad beïnvloed, is deurslaggewend vir persoonlike ontwikkeling en dié groter selfbewustheid kan bydra tot ʼn sterker beroepspassing en ʼn meer vervulde lewe.

Dr. Netshilata wys daarop dat individue hulself dikwels in loopbane of verhoudings bevind wat nie heeltemal vir hulle geskik is nie en wat hul geestesgesondheid op die lang termyn negatief kan beïnvloed. “Om meer oor jou persoonlikheidstipe te leer ken, kan jou dus beter help om jou behoeftes te verstaan.”

Wanneer jou persoonlikheid by jou loopbaan pas sal dit onder meer ’n beter kultuurpassing tot gevolg hê sowel as beter werkprestasie en verhoogde werkstevredenheid. Dit sal verder makliker interaksie tot gevolg hê met jou kollegas wat tot verhoogde werkstevredenheid sal lei. ’n Loopbaan wat by jou persoonlikheid pas sal ook jou vertroue in jou vermoëns verhoog wat jou sal help om ʼn meer positiewe houding teenoor jou loopbaan te ontwikkel. Dit kan ook lei tot meer innovering, om gelukkiger in jou rol te wees en help om die loopbaanleer te klim.

Solidariteit se doel is dat almal wat wil werk, goed moet kan werk en hulle volle potensiaal moet kan bereik. Goed werk beteken dat jy gelukkig in die werk is, billik behandel word en dat daar nie teen jou gediskrimineer word nie. Om goed te werk beteken dat jou werk jou moet bevredig en dat jy dus roepingsvervulling beleef.

Sluit aan by hierdie gemeenskap van werk, waar jy jou netwerk kan uitbrei, bemagtig word deur voortgesette leer kursusse en selfs nuwe werksavonture kan soek. Skep jou gratis profiel en skakel in by jou grootste Afrikaanse netwerk van werk.