Virseker, jou maklikste finansiële besluit!

Deur Ané Janse van Rensburg

Junie is versekeringsbewustheidsmaand en dit is ŉ gulde geleentheid om Suid-Afrikaners daaraan te herinner dat versekering ŉ finansiële reddingsboei is wat jou kan help om weer op jou voete kom wanneer die lewe onverwags ŉ draai maak. Virseker, Suid-Afrika se enigste trots-Afrikaanse versekeringsproduk, wil jou aanmoedig om proaktief te wees en die regte versekering vir jou behoeftes te kies.

Lewenskoste is deesdae rekordhoog, en brandstofpryse is selfs hoër. Dit is nie moeilik om te verstaan hoekom die meeste Suid-Afrikaners voel dat versekering buite hulle finansiële bereik is nie. Hierdie wanpersepsie is die rede waarom 70% van geregistreerde voertuie op ons paaie onverseker is, en waarom baie mense onderverseker is wanneer dit by huise en huisinhoud kom. Dit is noodsaaklik om te verstaan dat versekering nie ŉ luukse is nie, maar ŉ noodsaaklike finansiële beskermingshulpmiddel.

Jy dink dalk nooit aan versekering totdat jy dit nodig het nie. Wees dus proaktief en leer watter soort dekking jy behoort te hê. Praat met ŉ versekeringsagent om die regte polisse vir jou omstandighede te vind. Hier is ŉ paar wenke om jou te help om die regte versekering te kies:

1. Wees op die uitkyk vir geleenthede om te spaar

Deur jou motor- en huisinhoud, of jou motor- en gebouversekering by dieselfde verskaffer te verseker, kan jy moonlik vir afslag kwalifiseer. Kombinasiepakkette kan aansienlike besparings bied.

2. Doen navorsing om die regte versekeraar te kies

Vergelyk verskillende aanbiedinge en kies ŉ versekeraar met ŉ goeie reputasie en geskikte dekking vir jou behoeftes.

3. Verseker jou motor vir die regte waarde

Bestuurders van ouer motors moet sorg dat hulle nie hul motors oorverseker nie. Oorversekering kan tot onnodig hoë premies lei.

4. Hersien jou huisinhoudbeleid

Hersien elke ses maande jou huisinhoud en pas die totale versekerde bedrag daarvolgens aan. Maak seker jy gebruik vervangingswaarde en nie markwaarde nie, en verwyder items wat nie meer verseker hoef te word nie.

5. Moenie dekking dupliseer nie

As jou motor- of huisversekeringsmaatskappy gratis padbystand bied hoef jy nie vir dieselfde voordeel by ŉ ander diensverskaffer te betaal nie.

6. Verhoog jou sekuriteit

Jy kan moonlik jou motorversekeringspremie verminder as jy jou motor met bykomende veiligheidsbeskerming toegerus het. Dieselfde geld vir huisversekering as jy in ŉ alarmstelsel belê of in ŉ veiliger woonbuurt woon.

7. Moenie onnodig eis nie

Gebruik jou versekering vir skade wat groot verliese veroorsaak. Vermy dit om vir klein voorvalle te eis wat jy self kan dek.

8. Verhoog jou bybetaling

Jy kan geld op jou maandelikse premie spaar deur jou bybetaling te verhoog. Vind ŉ balans waar jy ŉ redelike premie betaal en steeds jou bybetaling in die geval van ŉ eis kan bekostig.

9. Hersien jou dekking gereeld

Soos wat jou lewensomstandighede verander, kan jou versekeringsbehoeftes ook verander. Hersien jou polisse gereeld om te verseker dat jy steeds die beste beskerming het.

10. Hou jou besonderhede opgedateer

Verseker jou motor vir private gebruik as jy dit nie meer vir besigheid gebruik nie, of as jy jou motor nou op ŉ veiliger plek parkeer. Dit kan jou premies verminder. Laat weet dus jou versekeraar van enige veranderinge.

Virseker moedig jou aan om hierdie Junie te gebruik om jou versekering te hersien en te verseker dat jy beskerm is én voel. Dit is nou die perfekte tyd om die regte besluite te neem en jou finansiële toekoms te beskerm!

Virseker is ‘n produk van Auto & General Versekeringsmaatskappy Bpk.